Крис Саттон Роберто Де Зербининг "Брайтон" лойиҳаси ҳақида гапирди.
Аввалроқ, Роберто Де Зерби "Брайтон"ни тарк этиб, Европанинг топ-клубини бошқаришга тайёр эканлиги ҳақида маълумотлар пайдо бўлганди.
"Денгиз отлари" бош мураббийи клубнинг келажакдаги лойиҳаси ҳақида аниқ фикр билдирмаслигини айтди.
"Арсенал"нинг собиқ футболчиси Крис Саттон Де Зербининг сўзларини танқид қилди.
"Ундан гранд клублар қизиқиши ҳақида сўрашди ва у шунчаки елкасини қисиб, "биз ҳали ҳам музокаралар олиб бормоқдамиз" каби жумлаларни айтиши мумкин эди.
Лекин мен у айтган баъзи гапларни кераксиз деб ўйладим. Муаммо шартномада эмас, режа, мақсад, келажакка бўлган ёндашувни топишда эканлигини айтди.
Бир қарашда у шундай деб ўйлашга ҳақли. Лекин мен айтишим мумкинки, у муаммо борлигига ишора қилмоқда.
Агар мен "Брайтон" мухлиси бўлганимда, Де Зербидан жуда ғазабланган бўлардим", деди Саттон.
Де Зербининг "Брайтон" билан шартномаси 2026 йилгача мўлжалланган. Мураббий "Барселона", "Бавария" ва "Ливерпуль" учун қизиқ вариант ҳисобланади.
