“Интер Майами” КОНКАКАФ чемпионлар кубоги чорак финалининг илк учрашувида “Монтеррей”га имкониятни бой берди (1:2).

Лионель Мессисиз флоридаликлар сўнгги тўртта ўйинда фақат битта ғалабага эриша олишди. Бу даврда МЛС клуби иккита мағлубият ва бир дуранг қайд этган.

Месси сўнгги бор 14 март куни КОНКАКАФ Чемпионлар кубоги 1/8 финалининг жавоб ўйинида “Нэшвилл”га қарши ўйинда (3:1) “Интер Майами” сафида ўйнаган ва бу ўйинда тиззасидан жароҳат олган эди.

Шу ҳафтада аргентиналик футболчи машғулотларни давом эттирди, аммо "Монтеррей" билан бугунги ўйин учун таркибга киритилмади.

МЛС мавсумининг 7 ўйинидан кейин "Интер Майами" Шарқий конференция жадвалида 2-ўринда бормоқда.