"Манчестер Сити"нинг англиялик ярим ҳимоячиси Филипп Фоден фаолиятида илк бор бир мавсумда барча мусобақаларда камида 20 та гол урди.
Эслатиб ўтамиз, Фоден Англия Премьер-лигасининг 31-туридан ўрин олган "Манчестер Сити" ва "Астон Вилла" (4:1) учрашувида хет-трик қайд этган эди. Фил - "Манчестер Сити"нинг тарбияланувчиси. Ярим ҳимоячи 2017 йилдан бери "шаҳарликлар"нинг асосий жамоасида ўйнаб келмоқда. Фоденнинг клуб билан амалдаги шартномаси 2027 йилнинг июнь ойи охиригача амал қилади.
Айни дамда "Манчестер Сити" 30 учрашувда 70 очко жамғарган ҳолда АПЛ турнир жадвалида учинчи ўринда бормоқда. Тўплар нисбати бўйича "шаҳарликлар"дан олдинда бораётган "Ливерпуль" ҳали 30-тур ўйинини ўтказиши керак. Лондоннинг "Арсенал" клуби турнир жадвалида пешқадамлик қилмоқда.
