"ПСЖ"нинг айрим мухлислари Франция кубоги ярим финалида "Ренн"га қарши ўйинда (1:0) парижликлар ҳужумчиси Килиан Мбаппега нисбатан ҳуштакбозлик қилишди.
Эслатиб ўтамиз, кеча, 3 апрель куни "ПСЖ" – "Ренн" ўйини бўлиб ўтди. Жамоалар Франциянинг Париж шаҳридаги "Парк де Пренс" стадионида ўзаро баҳс олиб боришди. Мезбонлар минимал 1:0 ҳисобида ғалаба қозониб, турнир финалига йўл олди. Учрашувдаги ягона гол Килиан Мбаппе томонидан киритилди.
Эслатиб ўтамиз, аввалроқ Килиан "Реал" билан 2029 йилгача шартнома имзолагани ҳақида хабар берилганди. Маълум бўлишича, ҳужумчи жамоадошлари ва "ПСЖ" мураббийлар штабига жорий мавсум якунида жамоани тарк этишини айтган.
