Мюнхеннинг “Бавария” клуби вингери Брайан Сарагоса ёзги трансфер ойнасида ижара асосида бошқа жамоага йўл олиши мумкин. Бу ҳақда журналист Кристиан Фалк хабар бермоқда.
Манбага кўра, футболчининг жамоа бош мураббийи Томас Тухель билан муносабатлари кескин ёмонлашган. Қайд этилишича, мураббий Сарагосани қайдномадан чиқариб ташлаганида, бу ҳақда футболчига бевосита айтмаган, балки спорт директори Кристофф Фройнд орқали етказган.
Маълум қилинишича, 22 ёшли Сарагоса келаси ёзда ижарага кетиши мумкин, аммо сўнгги сўз "Бавария"нинг янги бош мураббийида бўлади.
Эслатиб ўтамиз, испаниялик футболчи клубга ўтган қишда келиб қўшилганди. Бу вақт ичида у иккита учрашувда майдонга тушди.
