Ўзбекистон Суперлигаси 5-турида сафарда Локомотивни мағлуб этган Андижон клуби бош мураббийи Александр Хомяков ғалаба ҳақида ўз фикрларини билдирди.

"Албатта, бугунги ғалаба учун футболчиларга миннатдорчилик билдираман. Қийин ўйинда қийин рақибни енга олдик. Иккинчи гол жамоани бироз хотиржамликка берилишига мажбур қилди. Хатолар қилдик. Бизга охирги дақиқаларда омад ҳам келгани рост. Рақибнинг ҳавфли зарбасини дарвозабонимиз қайтарди ва жамоамизни қутқарди. Рақиб ҳам ноаниқ зарбалар берди. Умуман, ўйин борасида муаммоларимиз борлигини инкор қилмайман. Лекин, якунда ғалаба қозондик. Бунинг учун футболчиларга раҳмат.

Ғалаба қозонаётганда қилинган алмаштиришлар ўзини оқламаяпти. Бу рост. Майдон марказини бироз кучайтириш, таянч ҳудудларида тўпни ушлаш мақсадида ўзгаришлар қилдик. Аммо, негадир янги тушган футболчилар биз кутган ўйинни намойиш этишмаяпти. Балки ҳисоб шунга мажбур қилгандир. Менимча, бироз тажриба етишмаяпти.

Кучли рақибларга бошқача тайёрланяпмиз. Жамоанинг ўйини турдан турга очиляпти. Камчиликлар устида ишлаб ҳар бир ўйинда максимум ҳаракат қилаяпмиз. Ҳозирча, ўхшаяпти. Олдинга ўтиб башорат қила олмайман. Ўйиндан ўйинга кучайиб боришимиз керак", — деди Хомяков.