Англия чемпионатининг 31-туридан ўрин олган баҳсда “Челси” ўз майдонида “Манчестер Юнайтед” устидан ғалаба қозонди – 4:3.

Ушбу учрашувдаги дастлабки иккита гол мезбонлар ҳисобига ёзилди – Конор Галлахер 4-дақиқада, Коул Палмер эса 19-дақиқада пенальтини аниқ амалга оширди. Биринчи бўлим охирида меҳмонлар Алехандро Гарначо (34-дақиқа) ва Бруну Фернандеш (39-дақиқа) томонидан киритилган голлар эвазига ҳисобни тенглаштиришди. 67-дақиқада Гарначо дубль қайд этиб, “қизил иблислар”ни ҳисобда олдинга олиб чиқди.

Қўшиб берилган вақтда Палмер ўйинда иккинчи марта пенальтини аниқ амалга оширди. Орадан бир дақиқа ўтиб у яна дарвозани ишғол қилди ва шу орқали жамоасига ғалаба келтирди.

"Манчестер Юнайтед" 48 очко билан АПЛ турнир жадвалида олтинчи ўринда бормоқда. "Челси" 43 очко жамғариб, 10-ўринга кўтарилиб олди. Маурисио Почеттино шогирдлари мағлубиятсиз сериясини барча мусобақаларда олтита ўйинга етказди.

Челси – Манчестер Юнайтед 4:3 (2:2, 2:1)
5 апрель, 00.15, «Стэмфорд Бридж»
Голлар: 1:0 – 4 Галлахер, 2:0 – 19, пенальти Палмер, 2:1 – 34 Гарначо, 2:2 – 39 Бруну Фернандеш, 2:3 – 67 Гарначо, 3:3 – 90+10, пенальти Палмер, 4:3 – 90+11 Палмер.
Челси – Петрович, Гюсто (Гилкрист, 75), Дисаси (Чалоба, 75), Бадьяшиль, Кукурелья, Галлахер (Мадуэке, 89), Мудрик (Стерлинг, 71), Фернандес, Палмер, Кайседо (Чуквуэмека, 71), Джексон.
Манчестер Юнайтед – Онана, Уан-Биссака, Варан (Эванс, 46; Камбвала, 66), Магуайр, Диогу Далот, Каземиро (Мактоминей, 75), Бруну Фернандеш, Майну, Антони, Гарначо (Маунт, 86), Хейлунд (Рэшфорд, 66).
Огоҳлантиришлар: Гюсто (32), Фернандес (35), Кайседо (90+12).