"Барселона" "Жирона" ярим ҳимоячисига ҳалигача қизиқишни йўқотгани йўқ. Mundo Deportivo хабарига кўра, Алеш Гарсия ҳамон "блауграна"нинг радарида.
Испаниялик футболчининг ўзи аввалроқ ёзги трансфер ойнасида "Барселона"га ўтиш истагини билдирган эди. "Манчестер Сити"нинг собиқ футболчиси "блауграналар" билан шартнома имзолашни орзу қилади.
26 ёшли Гарсия жорий Испания чемпионатида учта гол урди ва олтита голли узатмани амалга оширди. Transfermarkt ярим ҳимоячининг бозор нархини 25 миллион еврога баҳоламоқда.