Каталониянинг "Барселона" клуби вингери Ламин Ямаль бош мураббий Хави Эрнандеснинг жамоада қолишини жуда хоҳламоқда.
"Агар Хави қолса хурсанд бўламан. Ростини айтсам, мен буни жуда хоҳлайман. Менимча, 16 ёшли йигит сифатида мен ҳозир мураббийнинг кабинетига бориб, ундан қолишини сўра олмайман. Шу билан бирга, менимча, Хави бутун жамоа нимани хоҳлашини билади. Биз унинг қолишини истаймиз", - дея Ямалдан иқтибос келтиради Barca Universal.
Айнан Хави 16 ёшли Ямалга ёзда "Барселона"нинг асосий жамоасида ўйнаш имкониятини берган. Ламин жорий Испания чемпионатида 4 та гол ва 3 та голли узатмага эга.