"Арсенал" бош мураббийи Микель Артета "Лутон"га қарши сўнгги ўйинни ўтказиб юборган вингер Букайо Саканинг ҳолати ҳақида гапирди. Испаниялик мутахассис ҳозирча англияликнинг Англия Премьер-лигаси доирасидаги "Брайтон"га қарши ўйинда иштирок эта оладими ёки йўқлигини билмайди.
"Сака "Брайтон"га қарши ўйнайдими? Тез орада билиб оламиз. Яқин соатда машғулот ўтказамиз, у ўйинда қатнаша оладими ёки йўқми, аниқлаймиз. Қолганларнинг ҳаммаси яхши", деди Артета матбуот анжуманида.
Сака "Арсенал"нинг жорий мавсумдаги тўпурари. 22 ёшли Букайо Премьер-лигада 13 та гол урди ва 8 та голли узатмани амалга оширди.
