"Ливерпуль" "Реал Мадрид"нинг етакчи ярим ҳимоячиларидан бирига кўз тикди. El Debate хабарига кўра, инглиз грандининг эътиборида уругвайлик ярим ҳимоячи Федерико Вальверде бор.
Журналистларнинг фикрича, мерсисайдликлар клуби раҳбарияти Вальвердени сотиб олиш учун 150 миллион евро ажратишга тайёр. Бироқ “Реал” Федерикони сотиш ниятида эмас, уругвайликнинг ўзи эса бошқа жамоага ўтишни истамайди.
Ярим ҳимоячи Мадрид клубида 2018 йилдан буён ўйнаб келмоқда. Унинг шартномаси 2029 йилнинг ўрталарига қадар мўлжалланган. Жорий мавсумда Вальверде 42 та ўйин ўтказиб, 1 та гол урди ва 8 та голли узатмани амалга оширди.
