"Манчестер Сити" бош мураббийи Пеп Гвардиола "Кристал Пэлас"га қарши ўйин олдидан Эрлинг Холанд ва Кевин Де Брюйне Лондонда ўйнайдими деган саволга жавоб берди.
Эслатиб ўтамиз, ўтган куни Холанд ва Де Брюйне “Астон Вилла”га қарши ўйинда майдонга тушмаган – уларга дам берилганди.
"Ҳали билмайман, биз бир неча кун олдин уларсиз ўйнагандик. Мен бу ҳақда ўйлаб кўришим керак", - деди Гвардиола Холанд ва Де Брюйне ҳақидаги саволга.
Гвардиола, шунингдек, ҳимоячилар Натан Аке ва Кайл Уокер "Кристал Пэлас" ўйинини ўтказиб юборишини тасдиқлади.
Аммо дарвозабон Эдерсонда сафга қайтиш имконияти бор. "Эдерсон анча яхши. Балки у қайдномада бўлар", - деди «шаҳарликлар» устози.
