"Реал" ярим ҳимоячиси Дани Себальос Испания чемпионатини Англия Премьер-лигасига ўзгартириши мумкин. Бу ҳақда Todofichajes нашри хабар бермоқда.
Манбага кўра, испаниялик футболчининг хизматларига "Ньюкасл" қизиқиш билдирмоқда. "Қироллик клуби", ўз навбатида, Себальос учун ўн миллион евро таклиф қилса, ундан хайрлашишга тайёр.
Данида "Ньюкасл"дан ташқари фаолиятини давом эттириш учун яна учта вариант бор. Унинг хизматларига "Бетис", "Интер" ва "Атлетико Мадрид" қизиқиш билдирмоқда. Футболчининг "Реал" билан шартномаси 2027 йилнинг ёзига қадар тузилган.
