"Интер" ҳужумчиси Лаутаро Мартинес клуб билан янги шартнома борасида музокаралар олиб бормоқда.
"Нерадзуррилар" сардори ҳали таклиф қилинган шартномани имзолагани йўқ, аммо Sky Sports хабарига кўра, сўнгги музокаралар томонларни муваффақиятли келишувга яқинлаштирди. Маълум бўлишича, футболчи шартномани узайтирмоқчи. “Интер” 26 ёшли ҳужумчига йилига 8 миллион евро маош таклиф қилмоқда, аргентиналик эса 10 миллион евро атрофида маош олмоқчи, аммо томонлар муросага келиши кутилмоқда.
Лаутаро Мартинес жорий мавсумда 38 та ўйинда майдонга тушиб, 26 та гол ва 5 та голли узатмани амалга оширди.
