"Ювентус" мавсум якунланганидан кейин ҳужумчи Мойзе Кинни сотиш имкониятини кўриб чиқади.
Аввал хабар қилинганидек, 24 ёшли футболчи асосий таркиб футболчисига айлана олмагани учун “кекса синьора” сафини тарк этиши мумкин. Журналист Даниэле Лонгонинг ёзишича, "Ювентус" форвард учун тахминан 25 миллион евро таклиф олса, ёзги трансфер ойнасида уни сотиши мумкин. Бироқ, италияликнинг келажаги ҳали аниқлангани йўқ: унинг клубда давом этиши жорий мавсумнинг қолган ўйинларидаги ўйинига боғлиқ.
"Ювентус" Кинни 2021 йилнинг ёзида "Эвертон"дан ижарага олган ва икки йилдан кейин уни 30 миллион еврога сотиб олганди. Жорий мавсумда футболчи ҳали ҳеч қандай самарали ҳаракатларини амалга оширгани йўқ.
