"Барселона" трансфер сиёсатини ўзгартиришни режалаштирмоқда.
Каталония клуби молиявий қийинчиликлар туфайли трансфер бозорида жиддий чекланган ва шунинг учун кўпинча ёши каттароқ эркин агентлар ва арзонлаштирилган нархларда мавжуд бўлган футболчилар билан шартнома имзолайди. Бироқ, журналист Тони Хуанмарти хабарига кўра, энди "Барселона" фаолияти якунланишига яқин бўлган футболчиларни таклиф қилишдан бош тортмоқчи. Бунинг ўрнига, "Блауграна" раҳбарияти ўз имкониятларининг энг юқори чўққисида бўлган истиқболли ёшлар ва топ ўйинчиларни сотиб олишга таянмоқчи.
Эслатиб ўтамиз, ўтган ёзда "Барселона" сафига тажрибали Илкай Гюндоган, Иньиго Мартинес ва Ориол Ромеу келиб қўшилганди.
