ЦСКА вингери Аббосбек Файзуллаев мавсум якунида қандай натижадан мамнун бўлиши ҳақидаги саволга жавоб берди.

"Кучли учликка кирсак ва Кубокни ютсак, бу бизни қониқтиради. Айрим ўйинларда сўнгги дақиқаларда консентрацияни йўқотамиз.

Шу туфайли биз кўп нарсани ўтказиб юбордик ва очко йўқотдик", - дея Файзуллаевнинг сўзларини келтиради Чемпионат.

Жорий мавсумда 20 ёшли футболчи барча мусобақаларда 33 та учрашувда иштирок этиб, 3 та гол урди ва 9 та голли узатмани амалга оширди.

Ҳозирда ЦСКА РПЛда учинчи ўриндаги “Динамо”дан икки очко ортда қолиб, тўртинчи ўринда бормоқда.

Айтиш жоизки, "кўк-оқ"ларнинг қўлида битта захира ўйини бор. Қўшимча қилиб ўтамиз, ЦСКА Россия кубогидаги иштирокини давом эттирмоқда.

Энди "армиячилар" жамоаси РПЛ йўлининг ярим финал босқичида бўлиб турибди.