"Челси" бош мураббийи Маурисио Почеттино "Шеффилд Юнайтед"га қарши ўйинда (2:2) жамоасининг ўйинини юқори баҳолади.
“Учрашув натижасини таҳлил қилсак, дурангни адолатли натижа деб айтишимиз мумкин. Премьер-лигада яхши ўйин кўрсатиш ва учрашувлар боришини назорат қила олиш керак.
Премьер-лиганинг барча жамоалари кучли. Бугун биз сўнгги дақиқаларда гол ўтказиб юбордик, бу жуда ачинарли, аммо биз олдинга қараб юришда давом этишимиз керак.
Биз кўпроқ ўзимизга эътибор қаратишимиз керак. Жамоамиз кўп гол уради, лекин жуда кўп гол ўтказиб юборади. Биз мувозанатни топишимиз керак”, - деди Почеттино Sky Sports нашрига.
