Мануэль Нойер "Арсенал"га қарши ўйинга қадар тикланади.
“Бавария” 9 апрель, сешанба куни Чемпионлар лигаси чорак финалининг биринчи ўйинида “Арсенал” билан ўйнайди.
Kicker журналисти Георг Хользнернинг ёзишича, Германия терма жамоаси сафида жароҳат олган Нойер бўлажак ўйинга тайёр бўлади. "Хайденхайм" билан ўйинни (2:3) ўтказиб юборган Лерой Сане ҳам ушбу учрашувда майдонга тушиши мумкин.
Шунингдек, яқин орада Кингсли Команнинг ўйиндаги иштироки бўйича қарор қабул қилиниши хабар қилинган. Агар франциялик футболчи ўйнашга тайёр бўлса, Томас Мюллер ўрнига майдонга тушиши мумкин.
