"Кальяри" бош мураббийи Клаудио Раньери "Аталанта"нинг Европа лигасида "Ливерпуль" устидан қозонажак ғалабасига ишонмоқда.

11 апрель куни Бергамо жамоаси иккинчи муҳим еврокубокнинг чорак финалида "Энфилд"да инглиз грандига қарши майдонга тушади.

Бир ҳафтадан сўнг жавоб учрашуви бўлиб ўтади. Якшанба куни “Аталанта” А Сериянинг 31-тури доирасида “Кальяри”га ютқазди (1:2), аммо сардиниялик мураббий Раньери Жан Пьеро Гасперини шогирдларида “Ливерпул”га қарши курашда муваффақият қозониш имконияти бор, деб ҳисобламоқда:

“Ҳа, ўйлайманки, "Аталанта" бугунги хатоларни такрорламайди. Бизни ажойиб ўйин кутмоқда, "Аталанта"га омад тилайман.

Мен Италия жамоалари халқаро майдонда ўйнаганда доим уларни қўллаб-қувватлайман”, - деди Раньери DAZN нашрига.