Мадриднинг “Реал” клуби ҳужумчиси Винисиус Жуниор фаолиятидаги муҳим қарорни қабул қилди. Аввалроқ бразилиялик футболчини ёзда учта топ-клуб "ПСЖ", “Челси” ва “Ливерпуль” сотиб олишга тайёр экани ҳақида хабар берилганди.
Бироқ, журналист Хосе Феликс Диаснинг маълумотларига кўра, Винисиус бошқа жамоаларнинг таклифларини ҳам тингламоқчи эмас. Бразилиялик футболчи "Реал Мадрид"да бахтли ва Килиан Мбаппе ёзда "Сантьяго Бернабеу"га келиш эҳтимоли катта бўлишига қарамай, кетишни режалаштирмаяпти.
Манба, шунингдек, Мадриднинг “Реал” клуби Винисиусни клубнинг юзи деб билишини айтади. Ҳужумчи жорий мавсум Испания чемпионатида 20 та ўйинда майдонга тушиб, 12 та гол урди ва 4 та голли узатмани амалга оширди.
