Лондоннинг "Арсенал" клуби келажак учун янги дарвозабон қидирмоқда. Teamtalk журналистларига маълум бўлишича, Дания ёшлар терма жамоаси дарвозабони Лукас Мартин "канонирлар"нинг қизиқиш доирасига тушиб қолган.
Манбага кўра, иқтидорли даниялик яқинда инглиз топ-клуби лагерида синовдан ўтган. Бундан ташқари, Мартин Франциянинг "ПСЖ" клубида ўтказилган кўрикдан ўтишга муваффақ бўлди.
Жорий йил бошида Лукас клубини тарк этди ва шу кунгача эркин агент сифатида қолмоқда.
Англия чемпионатининг 31 учрашувидан сўнг Микель Артета шогирдлари турнир жадвалида биринчи ўринда бормоқда.