Барчангизга маълум, 26 март санасида миллий терма жамоамиз жаҳон чемпионати саралш учрашувлари доирасида Ливан терма жамоасини Тошкентдаги "Бунёдкор" стадионида қабул қилади!
Ушбу учрашувга худди Терма жамоамиз каби Ўзбекистон футбол мухлислари клуби ҳам катта тайёргарлик кўрмоқда!
Жамоамизни қўллаб-қувватлаш билан бир қаторда 200 нафар футболсевар кўнгилли (волонтёр) мухлисларни стадионга киришларида кутиб олиб уларга яқиндан ёрдам берадилар!
Ўзбекистон - Ливан учрашуви учун 30000 та байроқча ва яна Ўзбекистон давлат байроғи рангларида 30000та байроқча тайёрланди! Ушбу байроқчалар стадионга ташриф ҳар бир мухлисга ўйин вақтида тақдим этилади!
Байроқчалар стадион ўриндиқларига турли кўринишда ўрнатиб чиқилади (барча мухлислар бир вақтда кўтаришганида тасвир келиб чиқади). Барча қилинаётган ишлар ўзбек футболи ва равнақи учун, барчаси жонажон ватанимиз Ўзбекистон учун!
Бу ишлар барчамиз учун янгилик бўлганини ҳисобга олган ҳолда, миллий терма жамоа мухлислар клуби стадионга 26 март куни ташриф буюраётган мухлислардан қуйидагиларни илтимос қилади:
1. Стадионга ташриф буюрганингизда чиптангизда белгиланган жойга ўтиринг. Кимдир сизнинг жойинизга ўтириб олган бўлса, уни туришини ҳамда байроқчаларни жойида қолдиришини талаб килинг.
2. Ўриндиқлардаги байроқчаларни ўрнини асло алмаштирманг ва бошқа ўриндиқлардаги байроқчаларни олманг!
3.Байроқчаларни қай бирини қайси вақтда кўтаришни сизларга волонтёрлар айтиб туришади.
Барчага маълумки, Европадаги катта ўйинлар вақтида стадионда мухлислар ёрдамида турли мозаикалар тайёрланади. Энг охиргиларидан бири "Ноу Камп" стадионида ташкил қилинди. Агарда юқоридаги қоидаларга барча риоя қилса Ўзбекистон футбол мухлислари тайёрлаган мозаика ҳам ажойиб тарзда чиқади. Бунда стадионга келган барча-барчанинг ҳиссаси бўлади!
4. Байрокчалар Мухлислар клуби мулкидур ва уларни СТАДИОННИ ТАРК ЭТАЁТГАНИНГИЗДА, ЧИҚИШ ЙЎЛАГИДАГИ ҚУТИЛАРГА ТАШЛАБ КЕТИНГ!!!
