"Рома"нинг собиқ футболчиси Антонио Кассано "Милан" ҳужумчиси Рафаэль Леауни танқид қилди. Португалиялик футболчи италияликнинг сўзларига ижтимоий тармоқларда хабар қолдириб жавоб қайтарди. Леау ҳеч нарса ёзмади, шунчаки Кассанонинг иқтибослари билан видеонинг тепасига еттита "масхарабоз" эможисини жойлаштирди.
Дам олиш кунларида “Милан” ўз майдонида “Лечче”ни 3:0 ҳисобида мағлуб этди, Рафаэль Леау жамоасининг голларидан бирига муаллифлик қилди. Умуман олганда, жорий Италия чемпионатининг 27 учрашувида португалиялик ҳужумчи 6 бор рақиблар дарвозасини ишғол қилган.
