"Реал" бош мураббийи Карло Анчелотти "Манчестер Сити"нинг ўнг қанот ҳимоячиси Кайл Уокернинг йўқлиги "Лос-Бланкос" ҳужумчиси Винисиус Жуниорнинг ўйинига қандай таъсир қилиши ҳақида гапирди.
“Иккала жамоада ҳам етарлича сифатли футболчилар бор. Биз режамизга ишонишимиз ва уни амалга ошириш учун ўзимизга ишонишимиз керак. Боримизни беришимиз ва самарали бўлишимиз керак", - деди Анчелотти матбуот анжуманида.
Уокер бугун "Манчестер Сити" билан машғулот ўтказмади. Англиялик футболчининг эртанги “Сантьяго Бернабеу”даги ўйинига тайёр бўлиши даргумон.
