Якшанба кунги "Ливерпул"га (2:2) қарши ўйиндан сўнг, "Манчестер Юнайтед" бош мураббийи Эрик тен Хаг жамоасининг муваффақиятидан фахрланиши ҳақида гапирди. "Қизил иблислар"нинг собиқ футболчиси Рой Кин нидерландиялик мураббийнинг сўзларига изоҳ берди. У тен Хаг интервью олдидан ичганига ишонади.
"Ўйиндан кейин бир-икки қадаҳ вино ичган бўлса керак. Қанчалик кучли эканини билмайман, лекин у жуда оптимистик туюлди. Мен унинг мен кўрмаган нарсани кўриш қобилиятига қойил қоламан", - деди Кин Mirror билан суҳбатда.
Эслатиб ўтамиз, "Манчестер Юнайтед" "Ливерпуль" билан ўйиннинг биринчи бўлимида дарвозага бирорта ҳам зарба йўллагани йўқ.
