Лукас Пакета ёзда "Манчестер Сити"га ўтиши мумкин.

"Сити" ўтган ёзда бразилиялик ярим ҳимоячини ўз сафига қўшиб олмоқчи эди. Клуб футболчи билан шахсий шартнома тафсилотларини келишиб олди, "Вест Хэм" 110 миллион фунт сўради.

Трансфер ярим ҳимоячининг устидан ўтказилган тергов туфайли амалга ошмади - у пул тикиш қоидаларини бузганликда гумон қилинган.

Foot Mercato хабарига кўра, "Сити" ҳали ҳам бразилиялик футболчини ўз сафига қўшиб олмоқчи. У билан ўтган йили эришилган келишув ҳали ҳам амалда.

Жорий мавсумда Пакета АПЛда 25 та ўйин ўтказиб, 4 та гол урди ва 6 та голли узатмани амалга оширди.