Томас Тухель "Бавария" Чемпионлар лигасида минимал вазифани бажарганини айтди.

Мюнхен клуби турнирнинг чорак финалида “Арсенал”га қарши майдонга тушади. 1/8 финал босқичида немис жамоаси “Лацио”ни мағлуб этганди.

“Биз бу мавсумда Чемпионлар лигасида яхши ўйнаяпмиз. Биз минимал мақсадга эришдик – чорак финалга кўп жамоалар чиқа олмайди.

Ҳозир кўп нарса омадга боғлиқ. Баъзида битта ҳакамнинг қарори бундай қарама-қаршиликларнинг натижасига таъсир қилиши мумкин.

Биз ярим финалга чиқмоқчимиз. Бунинг учун иккита ажойиб ўйин ўтказишимиз керак”, - дейди “Бавария” бош мураббийи Томас Тухель.