Италия чемпионати 31-турининг сўнгги ўйинида “Интер” ўйиннинг сўнгги дақиқасида гол уриб, “Удинезе” устидан иродали ғалабага эришди. "Интер"нинг тўпурари Лаутаро Мартинес бу ўйинда гол ура олмади, аммо у жамоа уч очкони қўлга киритиб, чемпионлик сари муҳим қадам ташлаганидан хурсанд. Қолган етти учрашувда учта ғалаба “Интер”нинг чемпионлигини кафолатлайди.
"Қийин курашда қўлга киритилган ғалаба. Катта жамоа учун ғалаба. Бизни эзгу мақсадимизга яқинлаштирадиган ғалаба. Барча мухлисларга раҳмат", - деб ёзди Лаутаро ижтимоий тармоқда.
Кейинги турда "Интер" "Кальяри" билан ўйнайди.
