Italiya chempionati 31-turining so‘nggi o‘yinida “Inter” o‘yinning so‘nggi daqiqasida gol urib, “Udineze” ustidan irodali g‘alabaga erishdi. "Inter"ning to‘purari Lautaro Martines bu o‘yinda gol ura olmadi, ammo u jamoa uch ochkoni qo‘lga kiritib, chempionlik sari muhim qadam tashlaganidan xursand. Qolgan yetti uchrashuvda uchta g‘alaba “Inter”ning chempionligini kafolatlaydi.
"Qiyin kurashda qo‘lga kiritilgan g‘alaba. Katta jamoa uchun g‘alaba. Bizni ezgu maqsadimizga yaqinlashtiradigan g‘alaba. Barcha muxlislarga rahmat", - deb yozdi Lautaro ijtimoiy tarmoqda.
Keyingi turda "Inter" "Kalyari" bilan o‘ynaydi.
