Лондоннинг "Арсенал" клуби собиқ ҳимоячиси Уильям Галлас украиналик Михаил Мудрикнинг "канонирлар" лагерига ўтиши мумкинлиги ҳақида гапирди. Ярим ҳимоячи ҳозирда "Челси"да ўйнайди.
"Мен Пети Мудрикнинг "Арсенал"га потенциал трансфери ҳақида гапирганидан хабарим бор. Микель Артетага бу йигит ёқади. Тезлиги ва ўйин сифатини ҳисобга олсак, Михаил жамоага мос келади. "Арсенал" келаси мавсумда Премьер-лига чемпиони бўлишига ишонаман. Агар улар Мудрик билан шартнома имзоласалар, бу уларга ёрдам бериши мумкин", - дейди Галлас.
Англия чемпионатининг жорий мавсумида Мудрик 24 та ўйин ўтказиб, 4 та гол урди ва 2 та голли узатмани амалга оширди.
