"Наполи" ҳужумкор ярим ҳимоячиси Хвича Кварацхелия жамоасини ўзгартириши мумкин. Футболчининг хизматларига Франциянинг "ПСЖ" клуби қизиқмоқда. Парижликлар Килиан Мбаппе кетганидан кейин грузин билан ҳужумни кучайтирмоқчи.
Неаполликлар Хвичани жамоанинг энг муҳим ўйинчиларидан бири деб билишади, аммо уни 100 миллион евро эвазига қўйиб юборишга тайёр.
Жорий мавсумда Кварацхелия Италия чемпионатида 28 ўйин ўтказиб, ўнта гол ва бешта голли узатмага муаллифлик қилган. Хвича ва "Наполи" ўртасидаги амалдаги меҳнат шартномаси 2027 йилнинг июн ойи охиригача амал қилади.
