Германия терма жамоаси бош мураббийи Юлиан Нагельсманн "Бавария"га қайтиши ҳақидаги миш-мишлар ҳақида гапирди.

“Қўлимда ёзма таклиф йўқ, ҳеч қандай музокаралар бўлмаган. Мен ҳали ҳам профессионал даражада кейинги нималар ҳақида ўйлайдиган босқичдаман.

Ўйлайманки, қайсидир вақтларда қандайдир вариантлар бўлиши мумкин, аммо ҳозирча мен имзолашим мумкин бўлган таклифларни олмадим. Ҳали кейин нима бўлишини ўйлаш босқичидаман", - деди Нагельсманн.

Нагельсманн 2021 йилдан 2023 йилгача "Бавария"ни бошқарган. Мюнхен клубини тарк этгач, Юлиан Германия терма жамоасини бошқаряпти.