Муҳаммад Салоҳ ёзги трансфер ойнасида “Ливерпуль” жамоасини тарк этиши мумкин. Миш-мишлар узоқ вақтдан бери мисрлик футболчини Саудия Арабистонига ўтиши билан боғлаб келади.
TalkSPORT нашри хабар беришича, “Ал-Иттиҳод” ёзда Салоҳ учун таклиф билан чиқишга тайёр. Манбага кўра, саудияликлар юлдуз форвард учун 70 миллион фунт (ҳозирги курс бўйича 81,7 миллион евро) тўлашга тайёр.
2023/2024 йилги мавсумда Муҳаммад Салоҳ 35 та расмий ўйин ўтказди. Уларда форвард 23 та гол урган ва шерикларига 13 та голли узатма берган.
