"Манчестер Юнайтед" ярим ҳимоячиси Скотт Мактоминай тиззасидан олган жароҳати сабаб 2-3 ҳафта майдонга туша олмайди.

Мактоминай кутилмаганда ўтган якшанба куни "Ливерпул"га қарши (2:2) АПЛ доирасидаги ўйинда "МЮ" таркибидан четда қолди.

Daily Mail нашри хабарига кўра, бундан уч кун олдин "МЮ" "Челси" меҳмони бўлиб, 4:3 ҳисобида мағлуб бўлганида, Скотт тиззасидан жароҳат олган.

Муаммо жиддий ҳисобланмайди ва жарроҳлик амалиётини талаб қилмайди, бироқ Adidas билан шахсий ҳомийлик шартномасини имзолаган Мактоминай икки-уч ҳафтани ўтказиб юборади.

Шу тариқа, 27 ёшли шотландиялик футболчи 21 апрель куни “Уэмбли”да бўлиб ўтадиган “Ковентри”га қарши Англия кубоги ярим финалида майдонга тушмаслик хавфи бор.