"Реал Мадрид" ўз майдонида мағлубиятсиз ўйинлар сериясини узайтирди. Серия "Манчестер Сити" томонидан бузилиши мумкин эди, аммо Карло Анчелотти шогирдлари 79-дақиқада Федерико Вальверденинг голи эвазига Чемпионлар лигасининг чорак финалида мағлубиятдан қутулиб қолишди (3:3).
Шу тариқа, "Реал" кетма-кет барча турнирларда 27 учрашувдан бери ўз майдонида мағлуб бўлмаяпти (21 ғалаба ва 6 дуранг).
Opta портали хабарига кўра, бу "Лос-Бланкос"нинг 2013 йилдан бери ўз майдонидаги энг узоқ мағлубиятсиз серияси (40 та ўйин).
"Манчестер Сити"нинг "Реал"га қарши жавоб учрашуви 17 апрель куни "Этиҳад" стадионида бўлиб ўтади.
"Реал Мадрид"нинг навбатдаги уй учрашуви 21 апрель куни "Барселона"га қарши ўтказилади.
