"Арсенал" сардори Мартин Эдегор "Бавария"га қарши ўйин учун УЕФА томонидан мукофотланди.
Лондонда бўлиб ўтган Чемпионлар лигаси чорак финалининг илк учрашуви дуранг билан якунланди – 2:2.
Эдегор самарали ҳаракатлари билан ажралиб турмади, лекин ажойиб ўйин кўрсатди ва яратилган голли вазиятлар бўйича иккала жамоа орасида етакчига айланди.
Айнан норвегиялик ярим ҳимоячи УЕФА томонидан учрашувнинг энг яхши футболчиси деб топилди.
"Арсенал" сафида гол муаллифлари Букайо Сака ва Леандро Троссард бўлган бўлса, "Бавария" сафида Серж Гнабри ва Харри Кейн гол уришди.
Жавоб ўйини 17 апрель куни Мюнхенда бўлиб ўтади.
