Мадриднинг “Реал” клуби ҳужумчиси Винисиус Жуниор Чемпионлар лигасининг сўнгги мавсумларида голли узатмалар рўйхатида учинчи ўринни эгаллаб турибди.
Бразилиялик футболчи 3:3 ҳисобида якунланган “Манчестер Сити”га қарши биринчи чорак финал учрашувида иккита голли узатмани амалга оширди. 14-дақиқада унинг ҳамюрти Родриго 23 ёшли футболчининг узатмасидан гол урган бўлса, 79-дақиқада Винисиус Федерико Вальвердега ассист бўлиб, якуний натижани таблога ёздириб қўйишга ёрдамлашди.
Ҳозирда Винисиус 2018/19 йилги мавсум бошидан буён Чемпионлар лигасида 19 та голли узатмани амалга оширди - бу белгиланган давр учун Кевин Де Брюйне (Манчестер Сити) ва Килиан Мбаппедан (ПСЖ) кейин учинчи кўрсаткич бўлиб, уларнинг ҳар бири 20 мартадан ассистентлик қилган.
