"Манчестер Сити" Англия Премьер-лигасининг бошқа клуби ҳужумчиси билан кучаймоқчи. Гап фаолиятидаги энг яхши мавсумни ўтказаётган вингер Педру Нету ҳақида кетмоқда.

Teamtalk хабарига кўра, 24 ёшли португалиялик "Манчестер Сити" бош мураббийи Пеп Гвардиола учун жуда қизиқ. Бироқ футболчини трансфер қилиш учун "шаҳарликлар" пойгада Саудия Арабистони клубларини мағлуб этишлари керак бўлади.

Аввалроқ "Вулверхэмптон" Нету учун 60 миллион евро талаб қилиши хабар қилинганди. Аввалроқ португалияликнинг хизматларига Лондоннинг “Тоттенхэм” ва “Ньюкасл” клублари ҳам қизиқиш билдираётган эди. Нету бу мавсумда АПЛда 2 та гол урди ва 9 та голли узатмани амалга оширди.