Каталониянинг "Барселона" клуби бош мураббийи Хави Эрнандес журналистлар билан суҳбатда "ПСЖ"га қарши баҳсдаги жамоасининг энг яхши футболчиларини номлади.
Учрашув 3:2 ҳисобида "кўк-анорранглилар" фойдасига ҳал бўлди.
"Жамоа яхши ўйин кўрсатди, ҳимоячиларимиз мезбонларнинг ҳужумига қарши яхши ҳаракат қилишди.
Бу ўйиндаги "Барса"нинг энг яхши ўйинчилари кимлар? Менга энг кўп Ламин Ямал ва Рафинья ёқди.
Улар нафақат ҳужумда, балки ҳимояда ҳам ўзларини кўрсатишди. Ўйлайманки, мухлисларимиз хурсанд бўлишлари мумкин, чунки биз дунёнинг энг зўр жамоаларидан бирини мағлуб этдик", - деди мутахассис.
