"Интер Майами" бош мураббийи Херардо Мартино КОНКАКАФ Чемпионлар кубоги 1/4 финалининг иккинчи ўйинида "Монтеррей"дан учралган мағлубият ҳақида гапирди.
Учрашув 11 апрель куни Монтеррейдаги "BBVA Bancomer" стадионида бўлиб ўтди ва мезбонларнинг ғалабаси билан якунланди (3:1). Дастлабки баҳсда ҳам Фернандо Ортис шогирдлари 2:1 ҳисобида зафар қучганди.
"Бугунги мағлубият бизни ушбу мусобақада кейинги курашга умидимиздан маҳрум қилди. Биринчи ўйинда "Монтеррей"га қарши яхши ўйнагандик ва бу ўйинда Бертераме гол урмагунча кўп ҳаракат қилдик”, деди Мартино.
"Интер Майами" КОНКАКАФ Чемпионлар Кубогидан чиқариб юборилди. "Монтеррей" турнирнинг нимчорак финалида “Колумбус Крю” жамоасига қарши баҳс олиб боради.
