"Барселона" ярим ҳимоячиси Илкай Гюндоган жорий Чемпионлар лигасида энг кўп имконият яратган футболчилар рўйхатини бошқариб турибди.
Чоршанба куни Хави Эрнандес шогирдлари меҳмонда "ПСЖ" устидан ғалаба қозонишди (3:2) ва Гюндоган учрашув қаҳрамонларидан бирига айланди ва голли узатмани амалга ошириб, жамоадошларига тўртта голли вазият яратди.
Squawka таъкидлаганидек, айни дамда айнан германиялик ярим ҳимоячи зарбага имкон берувчи паслар сони бўйича Чемпионлар лигасида пешқадамлик қилмоқда - 24.
Иккинчи ўринда "Атлетико"дан Антуан Гризманн (23), чорак финал иштирокчилари орасида учинчи ўринда Килиан Мбаппе ( 19).
