«Лацио» ва Германия терма жамоаси собиқ ҳужумчиси Мирослав Клозе келажакда Рим жамоаси бош мураббийи бўлишни хоҳлашини айтди.

Клозе «Лацио»да беш йил - 2011 йилдан 2016 йилгача ўйнаган. Бу вақт ичида немис форварди римликлар либосида 169 та ўйин ўтказиб, 61 та гол урди ва жамоадошларига 32 та голли узатмани амалга оширди.

«Лацио» хўжайини бир кун келиб мен бу клубни бошқаришни ҳоҳлашимни билади. Бугун Лотито («Лацио» хўжайини) бошқача танлов қилди ва бошқа мураббий тайинлади.

Балки қачондир мен жамоани бошқарарман», - дея Клозенинг сўзларини келтиради Tuttomercatoweb.