Испаниянинг “Атлетико” клуби ҳужумчи Альваро Моратанинг келажаги борасида бир қарорга келди.
Marca нашри хабарига кўра, Мадрид клуби испаниялик ҳужумчи билан ҳамкорликни давом эттиришга қарор қилган. Олдинроқ Туриннинг "Ювентус" клуби собиқ ҳужумчиси Альваро Моратани "Атлетико"дан қайтармоқчи эмаслиги хабар қилинганди. "Кекса синьора" "матрасчилар" билан ҳеч қандай музокара олиб бормади.
Эслатиб ўтамиз, жорий мавсум 31 ёшли тўпурар 42 та ўйинда майдонга тушиб, 20 та гол ва 3 та голли узатмага муаллифлик қилган. Transfermarkt портали маълумотларига кўра, футболчининг нархи 20 миллион еврони ташкил қилади. Футболчининг клуб билан тузган шартномаси 2026 йилнинг ёзига қадар тузилган.
