"Бавария" спорт директори Макс Эберль ҳимоячи Альфонсо Дэвиснинг Мюнхен клубидаги келажаги ҳақида гапирди.
"Унинг ҳозирги формаси келажагига таъсир қилмаслиги керак. Унинг сўнгги бир неча ҳафтадаги ўйини унчалик яхши бўлмади", - деди Эберль BILD билан суҳбатда.
Жорий мавсумда 23 ёшли Дэвис 34 та ўйин ўтказиб, 1 та гол урди ва 4 та голли узатмани амалга оширди. Transfermarkt портали канадалик футболчининг нархини 60 миллион еврога баҳоламоқда. Футболчининг Мюнхен клуби билан шартномаси 2025 йилнинг июнь ойи охиригача амал қилади.
"Бавария" 28 ўйиндан кейин 60 очко билан Германия чемпионати турнир жадвалида иккинчи ўринда бормоқда. Пешқадам "Байер" билан фарқ 16 очкони ташкил этади.
