Франция терма жамоаси ярим ҳимоячиси Адриен Рабьо ёзда янги клуб излашга мажбур бўлади.
Calciomercato нашри хабарига кўра, 29 ёшли футболчи "Ювентус" билан янги шартнома шартлари бўйича келиша олмади ва жорий мавсум якунида туринликлар жамоасини тарк этади.
Қайд этилишича, Рабьони "Ювентус" футболчининг агенти билан музокараларда таклиф қилган маоши қаноатлантирмаган.
Олдинроқ Рабьо фаолиятини "Атлетико Мадрид"да давом эттириши мумкинлиги ҳақида маълумотлар тарқалган эди.
Футболчи 2019 йилдан бери "Ювентус"да ўйнаб келмоқда. Умумий ҳисобда у "Ювентус" сафида 204 ўйинда 21 гол ва 15 голга ассистентлик қилган.
