Премьер-лига келаси мавсумда молиявий қоидаларни ўзгартирмайди.

Ҳозирда клублар уч йил давомида 105 миллион фунт стерлингдан ортиқ зарар кўрмаслиги керак. Қоидабузарликлар учун клублар санцсияларга дучор бўлади: бу мавсумда "Эвертон" саккиз очкодан, "Ноттингем Форест" эса 4 очкодан маҳрум бўлди.

Аввалроқ, лига ва иштирокчи клублар амалдаги молиявий қоидаларга ўзгартиришлар киритиш зарурлиги борасида келишиб олгани маълум бўлганди. Катта эҳтимол билан қоидаларга Европа мусобақаларида ўйнайдиган клубларнинг трансферлари учун сарфланадиган маблағлар чегараси киритилади.

УЕФА ушбу клублар учун харажатлар чегарасини даромаднинг 70 фоиз қилиб белгилашни режалаштирмоқда. АПЛда катта эҳтимол билан лимит юқорироқ бўлади - клублар даромаднинг 85 фоизини сарфлашлари мумкин бўлади. Бу масала бўйича овоз бериш ёзда бўлиб ўтади.

Ўзгаришлар тафсилотлари ҳали ишлаб чиқилиши керак бўлган ҳолда, амалдаги қоидалар яна бир мавсум ўз кучида қолади, деб ёзади BBC. Лимитдан ошиб кетган клубларни жазолаш учун очколарни олиб ташлаш тамойили янги қоидалар жорий қилинган тақдирда ҳам сақланиб қолиши кутилмоқда.