“Ливерпуль” бош мураббийи Юрген Клопп Европа лигаси 1/4 финали биринчи ўйинида “Аталанта”дан учралган мағлубият (0:3) ҳақида фикр билдирди.

"Тўпга эгалик қилганимизда тактик жойлашувимиз менга ёқмади. Рақибларга битта вазият бердик... “Аталанта” яхши ўйин кўрсатди, учта гол урди ва ғалабага ҳақли эди.

Душанба куни ушбу ўйиннинг кадрларини қайта кўраман. Агар биз бир-икки нарсани тузатсак, яхшироқ бўлишимизни биламан. Биз ғалаба қозона оламизми? Ҳа, яхши ўйнасак, бу мумкин. 3:0 ҳисобида ғалаба қозона оламизми? Умуман билмайман. Аммо ҳозир биз ўзимизни ёмон ҳис қиляпмиз. Бу ёмон ўйин бўлди - мен буни қандай бўлса шундай айтаман. Шундай қилиб, биз ютқаздик. Бундай пайтларда ҳар доим рақиб кейинги босқичга чиққандек туюлади, аммо биз (улар билан) яна ўйнамагунимизча, бундай бўлмайди", - дея Клоппнинг сўзларини келтиради УЕФА матбуот хизмати.