Туриннинг “Ювентус” клубида тўп тепаётган франциялик ярим ҳимоячи Адриен Рабьода Англия премьер-лигасида ўйнаш учун иккита вариант бор.
Бу ҳақда TeamTalk хабар бермоқда. Ёзда эркин агентга айланадиган ярим ҳимоячи "Манчестер Юнайтед" ва "Ньюкасл" қизиқишлари доирасига тушиб қолган.
Ҳар икки клуб футболчи билан трансфер борасида дастлабки музокараларни бошлаб юборган. 29 ёшли ярим ҳимоячи 2019 йилнинг июнь ойидан буён “кекса синёра” шарафини ҳимоя қилиб келмоқда. Шартнома шу мавсум охирида тугайди. Адриеннинг бозор қиймати 40 миллион еврони ташкил қилади.
