“Ливерпуль” бош мураббийи Юрген Клопп “Аталанта”га (0:3) қарши Европа лигаси 1/4 финали биринчи ўйинида нега жамоасининг асосий таркибига олтита ўзгартириш киритишга қарор қилганини тушунтирди.
“Мағлубиятга учраганингизда, қарорларингиз сўроқ остида қолиши мантиқан тўғри. Мен буни тушунаман. Лекин буни қилиш учун ўз сабабларим бор эди ва буни яна бир бор қилардим. Мавсумнинг қолган қисмида энг яхши ҳолатда бўлишни истасангиз, ротация жуда муҳим. Бу натижа учун биринчи навбатда мен жавобгарман, буни биламан, лекин агар ҳамма нарсани такрорлаш имконияти бўлганида ҳам худди шундай қарорга келган бўлардим", - дейди Клопп.
